قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №42

  2016 جىلعى 18 قاڭتار, استانا قالاسى قولايسىز اۋا رايى مەتەوجاعدايلارىندا ورتا ءبىلىم بەرۋ ۇيىمدارىندا, سونداي-اق تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ساباقتاردى توقتاتۋ قاعيدالارىن بەكىتۋ تۋرالى «ءبىلىم تۋرالى» قازاقستان رەسپۋبليكاسى زاڭىنىڭ 5-بابىنىڭ 14-2) تارماقشاسىنا سايكەس بۇيىرامىن: 1. قوسا بەرىلىپ وتىرعان قولايسىز اۋا رايى مەتەوجاعدايلارىندا ورتا ءبىلىم بەرۋ ۇيىمدارىندا, سونداي-اق تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ساباقتاردى توقتاتۋ قاعيدالارى بەكىتىلسىن. 2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ءبىلىم جانە عىلىم ءمينيسترى ا. ءسارىنجىپوۆ قازاقستان رەسپۋبليكاسى ءبىلىم جانە عىلىم ءمينيسترىنىڭ 2016 جىلعى 18 قاڭتارداعى №42 بۇيرىعىمەن بەكىتىلگەن قولايسىز اۋا رايى مەتەوجاعدايلارىندا ورتا ءبىلىم بەرۋ ۇيىمدارىندا, سونداي-اق تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ساباقتاردى توقتاتۋ قاعيدالارى 1. جالپى ەرەجەلەر 1. قولايسىز اۋا رايى مەتەوجاعدايلارىندا ورتا ءبىلىم بەرۋ ۇيىمدارىندا, سونداي-اق تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا ساباقتاردى توقتاتۋ قاعيدالارى (بۇدان ءارى – قاعيدا) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 14-2) تارماقشاسىنا سايكەس ازىرلەنگەن. 2. وسى قاعيدا قولايسىز اۋا رايىنىڭ مەتەوجاعدايلارىندا ساباقتى توقتاتۋ كەزىندە ءبىلىم الۋشىلاردىڭ ءومىرى مەن دەنساۋلىعىن قورعاۋعا, سونداي-اق ورتا ءبىلىم بەرۋ ۇيىمدارىنىڭ, تەحنيكالىق جانە كاسىپتىك ءبىلىمنىڭ ءبىلىم بەرۋ باعدار­لامالارىن ىسكە اسىراتىن ءبىلىم بەرۋ ۇيىمدارىنىڭ (بۇدان ءارى – ءبىلىم بەرۋ ۇيىمدارى) قىزمەتىن رەتتەۋگە باعىتتالعان. 3. وبلىستاردىڭ, استانا جانە الماتى قالالارىنىڭ ءبىلىم باسقارمالارى, اۋداندىق (قالالىق) ءبىلىم بولىمدەرى جىل سايىن: 1) ءوڭىردىڭ گەوگرافيالىق, كليماتتىق جاعدايلارىنا سايكەس, سونداي-اق اۋماقتىق مۇددەلى مەملەكەتتىك ورگانداردىڭ كەلىسىمىمەن ءبىلىم الۋشىلاردىڭ جاس ەرەكشەلىكتەرىن ەسكەرە وتىرىپ, ءبىلىم بەرۋ ۇيىمدارىندا ساباقتى توقتاتۋ كەزىندە قولايسىز اۋا رايى مەتەوجاعدايلارىنىڭ ۇسىنىلاتىن كورسەتكىشتەرىن; 2) اتا-انالار مەن ءبىلىم الۋشىلارعا ۋاقىتىندا حابارلاۋعا جاۋاپتى تۇلعالاردى, نىساندار مەن ادىستەردى كورسەتىپ, جەرگىلىكتى ەرەكشەلىكتەردى ەسكەرە وتىرىپ, قولايسىز اۋا رايىنىڭ مەتەوجاعدايلارىنا بايلانىستى ساباقتىڭ بولمايتىندىعى تۋرالى اتا-انالار مەن ءبىلىم الۋشىلاردى ۋاقىتىندا حاباردار ەتۋ جۇيەسىن بەكىتەدى. قولايسىز اۋا رايى مەتەوجاعدايلارىندا ساباقتىڭ توقتاتىلاتىندىعى تۋرالى اقپاراتتى ءبىلىم بەرۋدى باسقارۋ ورگاندارى حالىققا: 1) تەلەۆيدەنيەدەگى جۇگىرپە جول تۇرىندە; 2) راديودان تاراتۋ; 3) اكىمدىكتىڭ, ءبىلىم باسقارمالارى مەن بولىمدەرىنىڭ سايتتارى ارقىلى; 4) 169 تەلەفونى (اقىلى انىقتاما) بويىنشا حابارلايدى. ساباقتىڭ توقتاتىلاتىنى تۋرالى حابارلاۋ: ساعات 6.45–8.00-گە دەيىن – ءبىرىنشى اۋىسىم ءۇشىن, ساعات 11.15–13.00-گە دەيىن – ەكىنشى جانە ءۇشىنشى اۋىسىم ءۇشىن. 4. مەملەكەتتىك ءبىلىم بەرۋدى باسقارۋ ورگاندارى كۇن سايىن قولايسىز اۋا رايىنىڭ مەتەوجاعدايلارى كەزىندە ۆەدومستۆولىق باعىنىستى ءبىلىم بەرۋ ۇيىمدارىنداعى ساباقتىڭ توقتاتىلۋىنا مونيتورينگ جۇرگىزەدى. 5. ءبىلىم بەرۋ ۇيىمدارىندا ساباقتار ساباقتىڭ توقتاتىلۋىن جاريالاۋ ءۇشىن قولايسىز اۋا رايى مەتەوجاعدايلارىنىڭ بەكىتىلگەن ۇسىنىلعان كورسەتكىشتەرى نەگىزىندە جۇرگىزىلەدى جانە ءبىلىم بەرۋ ۇيىمى باسشىسىنىڭ نە ونى الماستىراتىن تۇلعانىڭ بۇيرىعىمەن رەسىمدەلەدى جانە ءتيىستى مەملەكەتتىك ءبىلىم بەرۋدى باسقارۋ ورگانىنىڭ نازارىنا ءبىرىنشى اۋىسىم ءۇشىن ساعات 6.00-دەن 7.00-گە دەيىن, ەكىنشى جانە ءۇشىنشى اۋىسىمدار ءۇشىن ساعات 10.30-دان 12-گە دەيىن جەتكىزىلەدى. وقۋ ساباقتارىن توقتاتۋ تۋرالى بۇيرىقتا: 1) ساباق توقتاتىلعان سىنىپتار, توپتار; 2) ءبىلىم بەرۋ ۇيىمىنىڭ جۇمىس ىستەۋ رەجيمى; 3) وقۋ-تاربيە پروتسەسىنە قاتىسۋشىلاردىڭ بارلىعىنىڭ اتالعان بۇيرىقپەن تانىسۋىنا باقىلاۋدى جۇزەگە اسىراتىن ءبىلىم بەرۋ ۇيىمى اكىمشىلىگىنىڭ تاراپىنان جاۋاپتى تۇلعالار; 4) ءبىلىم الۋشىلاردى قابىلداۋدى جانە ۇيلەرىنە قاۋىپسىز جىبەرۋدى جۇزەگە اسىراتىن پەداگوگتەر تاراپىنان جاۋاپتى تۇلعالار كورسەتىلەدى. ساباقتى توقتاتۋ تۋرالى بۇيرىق بەكىتىلگەننەن كەيىن تەز ارادا ءبىلىم بەرۋ ۇيىمىنىڭ رەسمي سايتىندا جانە اقپاراتتىق ستەندىندە ورنالاستىرىلۋى ءتيىس. ينتەرناتتىق ءبىلىم بەرۋ ۇيىمدارىندا قولايسىز اۋا رايى مەتەوجاعدايلارىندا ساباقتى توقتاتۋ ءبىلىم الۋشىلاردىڭ تۇرعىلىقتى جاعدايى ەسكەرىلە وتىرىپ جۇرگىزىلەدى. 2. ساباق توقتاتىلعان كۇندەرى ءبىلىم بەرۋ پروتسەسىن ۇيىمداستىرۋ 6. ساباق توقتاتىلعان كۇندەرى ءبىلىم بەرۋ ۇيىمىنىڭ قىزمەتى بەكىتىلگەن جۇمىس رەجيمىنە, پەداگوگيكالىق قىزمەتكەرلەردىڭ قىزمەتى بەلگىلەنگەن وقۋ جۇكتەمەسىنە, ساباق كەستەسىنە, باسقا قىزمەتكەرلەردىڭ قىزمەتى جۇمىس ۋاقىتىنىڭ رەجيمىنە, اۋىسىم كەستەسىنە سايكەس جۇزەگە اسىرىلادى. 7. ەگەر قولايسىز اۋا رايى مەتەوجاعدايلارىندا ساباق قاتارىنان 5 كۇننەن استام ۋاقىت بولماعان جاعدايدا, وقۋ پاندەرىنىڭ مازمۇنىن بىرىكتىرۋ, رەزەرۆتەگى ساعاتتار مەن قايتالاۋعا كەتكەن ساعاتتار ەسەبىنەن قۇرىلتايشىنىڭ كەلىسىمى بويىنشا ءبىلىم بەرۋ ۇيىمىنىڭ جىلدىق كۇنتىزبەلىك-تاقىرىپتىق جوسپارىنا تۇزەتۋ ەنگىزۋ قاجەت. 8. جىبەرىلگەن وقۋ ۋاقىتىن كانيكۋل نەمەسە وقۋ جۇكتەمەسىن شامادان تىس ارتتىرۋ ەسەبىنەن وتەۋگە جول بەرىلمەيدى. 9. ساباق توقتاتىلعان كۇندەرى ساباققا كەلگەن ءبىلىم الۋشىلار ءۇشىن ساباقتىڭ بارلىق تۇرلەرى (وقۋ, قوسىمشا, ۇيىرمەلىك, ۇزارتىلعان كۇن توپتارىنىڭ جۇمىسى), ىستىق تاماقپەن قامتاماسىز ەتۋ ءبىرىنشى باسشى بەكىتكەن جانە قۇرىلتايشى كەلىسكەن ساباق كەستەسىنە سايكەس تولىق كولەمدە جۇرگىزىلەدى. 10. ساباق كەستەسىنە سايكەس بارلىق جۋرنالدارعا كۇن كورسەتىلەدى, «ساباقتىڭ تاقىرىبى» باعانىنا «اكتىلەنگەن كۇن» دەپ جازىلادى. 11. ءبىلىم الۋشىنىڭ ساباق توقتاتىلعان كۇنى ورىنداعان جۇمىسى ءۇشىن العان باعاسى تۇزەتىلگەن كۇنتىزبەلىك-تاقىرىپتىق جوسپارعا سايكەس جۋرنالدىڭ ساباق بولعان كەلەسى كۇندەر باعانىنا قويىلادى. 12. پەداگوگتەر ساباق توقتاتىلعان كۇندەرى ءبىلىم الۋشىلاردىڭ, ونىڭ ىشىندە ساباققا كەلگەمەگەن ءبىلىم الۋشىلاردىڭ ءبىلىم بەرۋ باعدارلامالارىن تولىق كولەمدە ءوتۋى ماقساتىندا وزىندىك جۇمىستىڭ ءتۇرلى نىسانىن, ونىڭ ىشىندە قاشىقتىقتان وقىتۋ نىسانىن قولدانادى. قولدانىلاتىن جۇمىس نىساندارى, وزىندىك جۇمىس تۇرلەرى تۋرالى اقپاراتتى پەداگوگتەر, سىنىپ جەتەكشىلەرى ءبىلىم الۋشىلارعا, ولاردىڭ اتا-انالارىنا (زاڭدى وكىلدەرىنە) مالىمدەيدى. 3. ساباق توقتاتىلعان كۇندەرى مەكتەپتەردەگى پەداگوگيكالىق قىزمەتكەرلەردىڭ فۋنكتسياسى 13. سىنىپ جەتەكشىسى, كۋراتور: 1) ساباقتىڭ توقتاتىلعاندىعى تۋرالى اقپاراتتى ءبىلىم الۋشىلار مەن اتا-انالاردىڭ (زاڭدى وكىلدەردىڭ) نازارىنا جەتكىزەدى; 2) ساباق توقتاتىلعان كۇندەرى ساباققا كەلگەن ءبىلىم الۋشىلاردىڭ ەسەبىن قاتاڭ جۇرگىزەدى, ءبىلىم بەرۋ ۇيىمىنىڭ باسشىسىنا ءبىلىم الۋشىلاردىڭ سانى تۋرالى باياندايدى, ساباق توقتاتىلعان كۇندەرى ءبىلىم بەرۋ ۇيىمىنىڭ پەداگوگيكالىق جانە باسقا قىزمەتكەرلەرىنىڭ ءبىلىم الۋشىلاردى ۇيگە قايتارۋىنا جول بەرمەۋىن باقىلاۋدى جۇزەگە اسىرادى; 3) ساباق اياقتالعان سوڭ اتا-انالارىنىڭ (زاڭدى وكىلدەرىنىڭ) شىعارىپ سالۋىمەن ءبىلىم الۋشىلاردىڭ ۇيگە ۇيىمداسقان تۇردە قايتۋىن قامتاماسىز ەتەدى; 4) وقۋشىلاردىڭ كۇندەلىكتەرىندە, سايتتا ساباق توقتاتىلاتىن كۇندەردى بەلگىلەۋ ءۇشىن اۋا رايى جاعدايىن انىقتاۋ كەستەسى, ساباقتى توقتاتۋ كۇندەرىن حابارلاۋ ۋاقىتى جانە حابارلاندىرۋ بەرەتىن بۇقارالىق اقپارات قۇرالدارى تەلەفوندارىنىڭ نومىرلەرى تۋرالى مالىمەتتى ورنالاستىرادى; 5) اتا-انالاردى (زاڭدى وكىلدەردى) ولاردىڭ بالالارىنىڭ ساباق توقتاتىلعان كۇندەردەگى, ونىڭ ىشىندە ءبىلىم الۋشىلاردىڭ قاشىقتىقتان وقىتۋ نىساندارىن قولدانۋ جانە وزىندىك جۇمىس جاعدايىنداعى وقۋ ارەكەتىنىڭ قورىتىندىسى تۋرالى حاباردار ەتەدى. 14. پەداگوگتەردىڭ قىزمەتى: 1) ساباق توقتاتىلعان كۇندەرى پەداگوگتەردىڭ جۇمىس ۋاقىتىنىڭ ۇزاقتىعى وقۋ جۇكتەمەسىمەن انىقتالادى; 2) پەداگوگتەر وقۋ باعدارلاماسىنا سايكەس كۇنتىزبەلىك-تاقىرىپتىق جوسپارلارعا دەر كەزىندە تۇزەتۋ ەنگىزۋدى جۇزەگە اسىرادى; 3) ءبىلىم الۋشىلار ساباقتا بولماعان جاعدايدا پەداگوگ ديرەكتوردىڭ وقۋ ءىسى جونىندەگى ورىنباسارىمەن جۇرگىزىلەتىن جۇمىس تۇرلەرىن كەلىسەدى. 4. ساباق توقتاتىلعان كۇندەردەگى ءبىلىم الۋشىلاردىڭ قىزمەتى 15. ءبىلىم الۋشى ساباق توقتاتىلعان كۇندەرى ساباقتا بولماعان جاعدايدا, تاپسىرمانى وزدىگىنەن, ونىڭ ىشىندە ءبىلىم بەرۋ ۇيىمى ورناتقان قاشىقتىقتان وقىتۋ رەجيمىندە ورىندايدى. 16. ساباق توقتاتىلعان كۇندەرى ورىنداعان تاپسىرمانى پەداگوگتەردىڭ تالاپتارىنا سايكەس ۇسىنادى. 5. ساباق توقتاتىلعان كۇندەرى ءبىلىم الۋشىلاردىڭ اتا-انالارىنىڭ (زاڭدى وكىلدەرىنىڭ) قىزمەتى 17. ءبىلىم الۋشىلاردىڭ اتا-انالارى (زاڭدى وكىلدەرى): 1) ساباق توقتاتىلعان كۇندەرى بالالارىنىڭ ءبىلىم بەرۋ ۇيىمىنا بارماۋى تۋرالى شەشىمدى وزدىگىنەن قابىلدايدى; 2) ءبىلىم بەرۋ ۇيىمىنىڭ ساباق توقتاتىلعان كۇندەردەگى جۇمىس كەستەسىمەن تانىسادى. 18. ءبىلىم الۋشىلاردىڭ اتا-انالارى (زاڭدى وكىلدەرى): 1) ساباق توقتاتىلعان كۇندەرى بالالارىنىڭ ءۇي تاپسىرماسىن ورىنداۋىن باقىلاۋدى جۇزەگە اسىرادى; 2) ساباق توقتاتىلعان كۇندەرى بالاسىنىڭ ءبىلىم بەرۋ ۇيىمىنا بارۋى تۋرالى شەشىم قابىلداعان جاعدايدا, ءبىلىم بەرۋ ۇيىمىنا بارۋى مەن قايتۋى جولىنداعى قاۋىپسىزدىگىن قامتاماسىز ەتەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13076 بولىپ ەنگىزىلدى.